SALMOS 61:1-6

¹NoTeco Dios, techtlacaquili quema nimitztzajtzilía. Xijtlacaquili nonetlatlajtil.

²Masque niitztosquía campa hueli o hasta campa ontlantoc tlaltipactli, na nimitztzajtzilisquía para nimitztlajtlanis motlapalehuil. Quema nimajmahui o nimotequipachohua, techyacana huan techtlatía ipan se huejcapantic tetl, campa amo tleno huelis nechajsis.

³Pampa san ipan ta nimotemachía para amo tleno nopantis. Ta tiitztoc quen se huejcapantic cali catli nechmanahuía, para amo huelis nechajsise nocualancaitacahua.

⁴Nijnequi niitztos para nochipa ipan motiopa para techmocuitlahuis. Nopona niitztos temachtli quen se pilpiyotzi catli mocahua ieltlapaltzala inana.

⁵Ta tinoTeco Dios, tijcactoc catli nimitztlajtolcahuilijtoc para nijchihuas. Huan techmacatoc nopa tlatiochihualistli catli ticajoctoc para tiquinmacas masehualme catli mitzimacasij huan mitztlepanitaj.

⁶Xijchihuas para na nitlanahuatijquetl ma niitzto miyac xihuitl, huan para nonemilis ma eli yejyectzi.