SALMOS 44:1-4

¹Toteco Dios, tijcactoque tlaque techpohuilijtoque tohuejcapan tatahua tlen ta, huan nochi nopa tlamantli catli tiquinchihuili huejcajya.

²Quena, Toteco Dios, ica mohueyi chicahualis ta tiquintojtocac nopa fiero masehualme catli quinhueyichihuayayaj teteyome ipan nopa tlali, huan nopa tlali tiquinmacac totatahua. Quena, tiquintlatzacuilti ne sequinoc huan tiquinpalehui tohuejcapan tatahua para ma momiyaquilica, huan ma moaxcatica.

³Tohuejcapan tatahua amo quitlanque nopa tlali ica ininmachete, niyon ica ininchicahualis. Tlatlanque ica nopa hueyi chicahualistli catli ta tijpiya ipan monejmac, huan pampa hueyi moyolo ininhuaya, huan achi más tiquinicnelía.

⁴Ta tinotlanahuatijca huan tinoTeco Dios. Ta tiquinmanahuía huan tijchihua ma tlatlanica momasehualhua.