SALMOS 30:8-10

⁸Huan nimitznotzqui, TOTECO. Nimitztzajtzili para techtlasojtla.

⁹Pampa, TOTECO, sintla techcahuilisquía ma nimiqui, tlaque tijtlanisquía. Ayacmo huelisquía nimitzhueyichihuasquía iniixpa nohuampoyohua. Toteco, sintla nimiquis, nimocuepas tlali, huan tlali amo huelis mitzhueyichihuas. ¿Amo que? ¿Atlac mijcatzitzi huelise tepohuilise para ta nelía titemachtli?

¹⁰Huajca, TOTECO, techtlacaquili huan xijpiya hueyi moyolo nohuaya. TOTECO, ta xieli tinotlapalehuijca.