SALMOS 2:5-8

⁵Teipa quema quiyolaxitise TOTECO, melahuac quinixcoilhuis. Huan ica miyac cualantli quinmajmatis huan quiijtos:

⁶“Ya nijtlalijtoc notlanahuatijca para tlanahuatis ipan altepetl Jerusalén. Yaya mosehuis ipan isiya yejyectzi nepa ipan notepe tlatzejtzeloltic catli itoca Sion.”

⁷Huan catli TOTECO quitlapejpenijtoc para itlanahuatijca quiijtos: Nitlayolmelahuas catli TOTECO nechilhuijtoc huan ya ni catli quiijto: “Ta tiTlanahuatijquetl, tiNocone. Ama nitlayolmelahua tlamiyacapa para na nimoTata.

⁸Techtlajtlani huan nimitzmacas nochi tlalme huan ininmasehualhua para moaxcahua. Quena, tijselis hasta nochi tlaltipactli para moaxca.