SALMOS 22:28-31

²⁸Pampa TOTECO, yaya nopa tlanahuatijquetl catli quinahuatía nochi tlalme.

²⁹Nochi catli quipiyaj tomi huan nochi catli teicneltzitzi ipan ni tlaltipactli motlancuaquetzase iixpa. Quena, nochi tlaltipac ehuani catli teipa miquise, quihueyimatise.

³⁰Nojquiya noteipan ixhuihua quihueyimatise TOTECO huan tepohuilise tlen ya nochi ininnemilis.

³¹Quema toteipan ixhuihua tlacajtiyase, tepohuilise para xitlahuac TOTECO huan nochi nopa huejhueyi tlamantli catli techchihuilijtoc.