SALMOS 147:12-16

¹²Nochi amojuanti ipan ni altepetl Jerusalén, xijhueyimatica TOTECO. Quena, nochi catli itztoque ipan tepetl Sion, xijpaquilismaca amoDios.

¹³Pampa yaya cuali quitzactoc ipuertas amoaltepe para amo hueli quitlapos niyon se amocualancaitaca. Huan yaya tlahuel quintiochijtoc amoconehua.

¹⁴Yaya quititlanis tlasehuilistli ipan nochi amotlal, huan anmechmacas trigo catli más cuali para ica ximopanoltica.

¹⁵Yaya quintitlanis itlanahuatilhua ipan nochi tlaltipactli. Huan quema yaya camanaltis, icamanal nimantzi ajsis hasta campa hueli techaj.

¹⁶Yaya quichihuas ma huetzi sitlal setl catli chipahuac quen nextli. Huan quisemanas setl iixpa tlali hasta campa hueli.