SALMOS 140:1-7

¹TOTECO, techmanahui ininmaco nopa tlaixpanoca masehualme. Techmocuitlahui para tlahuilanca tlacame amo huelis nechcocose.

²Inijuanti nochi se tonal quisencahuaj quenicatza quichihuase tlamantli catli amo cuali. Tlatoctzitzi quinequij quipehualtise cualantli.

³Inincamanal tecocohua quen itencococa se cohuatl o se colotl.

⁴TOTECO, techmocuitlahui para amo nihuetzis ininmaco masehualme catli amo cuajcualme, huan catli tetlaijilhuíaj, pampa inijuanti moilhuijtoque quenicatza nechhuihuiitase.

⁵Nopa masehualme catli mohueyimatij quitlalijtoque se tlaquetztli para ma nimasi. Quitlalijtoque se lazo para ica nechcuapilose para ma nimohuisos ajacatipa. Nechchiyaj ica se matlatl para nechmasiltise.

⁶Na nimitzilhuijtoc, TOTECO, para ta tinoDios. Techtlacaquili quema nimitztzajtzilía.

⁷Ta tiTOTECO Dios, tinotemaquixtijca, ta tijpiya nochi chicahualistli para techmaquixtis. Ta techmocuitlahuía quema onca tlahuilancayotl.