SALMOS 139:6-16

⁶Nochi ni tlamantli catli ta tijmati nelía yejyectzi, huan ohui para nijneltocas.

⁷Amo cana hueli nimotlatis tlen moTonaltzi. Amo cana huelis nimotlatis huan amo tiitztos nopona.

⁸Sintla nitlejcos hasta ilhuicac para nimotlatis, ta nopona tiitztoc. Huan sintla niyasquía ipan nopa hueyi ostotl campa itztoque mijcatzitzi, ta nepa tiitztoc.

⁹Sintla nijpiyasquía noeltlapal huan nipatlanisquía, huan niquixcotonasquía nopa hueyi atl,

¹⁰hasta nepa techyacanasquía ica mohueyi chicahualis.

¹¹Sintla nijchihuasquía campica para nimotlatis ipan tzintlayohuilotl, nopa tzintlayohuilotl mocuepasquía tlahuili yahualtic tlen na, pampa ta tiitztos nopona.

¹²Pampa niyon nopa tzintlayohuilotl amo hueli techtlatis moixpa, Toteco. Pampa para ta nopa yohuali tlahuía quen elisquía tonaya. Nopa tzintlayohuilotl huan tlahuili ta tiquita san se.

¹³Ta tijsencajqui sesen tlamantli catli onca iijtic notlacayo. Huan tijmotzquilti sesen tlamantli catli nijpiya, quema niitztoya iijtico nonana.

¹⁴Nimitztlascamati pampa techsencajqui ma nieli se tlamantli catli nelía cuajcualtzi. Quena, nopa tequitl catli tijchijqui quema techsencajqui onpano yejyectzi. San nijsentlachilía para nimoilhuis nochi catli tijchijtoc ipan notlacayo.

¹⁵Ta tijtlachiliyaya quema na nipejqui nimoscaltía nopona nel nimotlatijtoya tlen nochi sequinoc ipan iijtico nonana. Quema amo aqui más quitlachiliyaya, ta techchijchijqui ica mohueyi yajatil, quen se catli cuali quimati tlaxinepalohua.

¹⁶Ta techitac quema ayamo nitlacatiyaya. Huan quema ayamo nitlaijiyotilanayaya, tiquixquetzqui quesqui tonali niitztosquía. Huan sesen tonal catli niitztosquía huan tlaque nopantis, ta tiquijcuilo ipan molibro.