SALMOS 139:6-13

⁶Nochi ni tlamantli catli ta tijmati nelía yejyectzi, huan ohui para nijneltocas.

⁷Amo cana hueli nimotlatis tlen moTonaltzi. Amo cana huelis nimotlatis huan amo tiitztos nopona.

⁸Sintla nitlejcos hasta ilhuicac para nimotlatis, ta nopona tiitztoc. Huan sintla niyasquía ipan nopa hueyi ostotl campa itztoque mijcatzitzi, ta nepa tiitztoc.

⁹Sintla nijpiyasquía noeltlapal huan nipatlanisquía, huan niquixcotonasquía nopa hueyi atl,

¹⁰hasta nepa techyacanasquía ica mohueyi chicahualis.

¹¹Sintla nijchihuasquía campica para nimotlatis ipan tzintlayohuilotl, nopa tzintlayohuilotl mocuepasquía tlahuili yahualtic tlen na, pampa ta tiitztos nopona.

¹²Pampa niyon nopa tzintlayohuilotl amo hueli techtlatis moixpa, Toteco. Pampa para ta nopa yohuali tlahuía quen elisquía tonaya. Nopa tzintlayohuilotl huan tlahuili ta tiquita san se.

¹³Ta tijsencajqui sesen tlamantli catli onca iijtic notlacayo. Huan tijmotzquilti sesen tlamantli catli nijpiya, quema niitztoya iijtico nonana.