SALMOS 119:88-91

⁸⁸Pampa hueyi moyolo, techcahuili ma niitzto. Huan quej nopa nijsenhuiquilis nijchihuas catli quiijtohua motlajtol.

⁸⁹TOTECO, mocamanal eltos temachtli para nochipa nepa ilhuicac.

⁹⁰Mojmostla ta titemachtli huan tiitztos temachtli ica nochi catli tlacajtiyase para nochipa. Cuali ta tijtlatzquilti ni tlali huan quej nopa eltoc.

⁹¹Nochi tlamantli mocahua campa tiquinnahuati ma eltoca hasta ama ni tonal. Quena, nochi tlamantli catli tijchijqui mitzneltocaj huan mitztequipanohuaj.