SALMOS 119:71-74

⁷¹Nelía cuali para techechcapantlali, pampa technextili para ma nijchihua nochi catli techyolmelajtoc ma tijchihuaca ipan tonemilis.

⁷²Para na más ipati moleyes huan amo millones tlen oro huan plata.

⁷³TOTECO, ta ica momax tijsencajqui notlacayo. Huajca ama techpalehui ma niquinmachili motlanahuatilhua huan niquintzontecomatis.

⁷⁴Nochi catli mitztlepanitaj huan motemachíaj ipan ta, paquise quema nechitase, pampa na nimotemachía ipan mocamanal.