Salmo 143:2-11

²Adi ka koman okomen sak-en ay baam, tan magay ipogaw ay nalinteg sin pangilam.

³Inmapayaw nan kalaban ko et naabakak dadlo. Inmibalod das nan mabolinget ay kad-ak, kamanak din natey ay nabayag.

⁴Isonga kinmapsot nan namnamak, palalo ay madisdismayaak.

⁵Manemnem ko ed bayag, Apo, manemnem ko din inam-amag mo.

⁶Itag-ay kon takkay ko ay mankararag en sik-a, kamanak nakgang ay lota ay danom di kasapolana, tan palalo di iliw ko en sik-a.

⁷Sapay koma ta patgam ay dagos nan kararag ko, tan nay enggay kinmapsot di nemnem ko. Adi ka kod somigsigaan into et mo din kad-an di natey di enak domatngan.

⁸Inagsapa koma ay ipanemnem mo din adi manbalbaliw ay layad ya seg-ang mo, tan sik-a di pantalkak, Apo. Sik-a anggoy di pankararagak, itdom kod di kosto ay pandanak.

⁹Sik-a di pankamangak ta somalaknib ka, sin kalaban ko, omisalakan ka koma.

¹⁰Itdoam kod sak-en ay mangonod sin laydem, tan sik-a di enak daydayawen. Managseg-ang ka et sapay koma ta omiturong ka si biyag ay natalna.

¹¹Salaknibam koma nan biyag ko ta say maidayaw di ngadan mo. Gapo sin kinalinteg mo, omisalakan ka kod sin problimak, Apo.