Yontu 143:2-11

²Tɑɑ yɑɑ nyɑ́ təmlɛ tʋ mɑɣɑ nɔnɔɣɔ. Mpi tɔ, nɔɣɔlʋ tɑ siɣisi nyɑ́ ɩsɛntɑɑ.

³Mɑ wɛnɑ kolontu nɑ ɩ́ tʋɣʋ-m wɑhɑlɑ. Ɩ́ fɛləɣɩ-m ɑtɛɣɛ. Ɩ cɑɑləɣɩ-m sɩ mɑ́ wɛɛ səkpɛtʋɣʋ tɑɑ, ɩsɩɩ mpɑ pɑ tɛmɑ səpʋ tɔ.

⁴Mɑ ɑpɑlʋtʋ hoowɑ mɑ tɑɑ kɛ́, nɑ mɑ lɑɑkɑlɩ pəsɩ.

⁵Mɑ tɔɔsəɣɩ lɔŋtɑɑ kʋyɛɛŋ tɔɔ kɛ́, nɑ mɑ́ mɑɣɑsəɣɩ nyɑ́ təmɑ tənɑ tɔm, nɑ mɑ́ hʋʋkɩ nyɑ́ niŋ təmɑ tɔɔ.

⁶Mɑ kpɑɑsəɣɩ niŋ kɛ nyɑ́ ɩsɛntɑɑ kɛ́. Mɑ wɛ nyɑ́ ɩsɛntɑɑ kɛ́ ɩsɩɩ tɛtʋ nti tə kɑwɑ tɔ.

⁷Hɑɩ, Tɑcɑɑ, cɔ-m lɔŋ. Mɑ tɑlɑ mɑ tənɑɣɑ kɛ́. Tɑɑ hɑ-m siɣile, tɔfɔ, mɑ wɛɛkɩ ɩsɩɩ ɑtɛtəlɛ tɑɑ sʋʋlɑɑ.

⁸Heeli-m sɩ n wɛ teu kɛ hɑtoo tɑnɑŋ tɛɛ. Mpi tɔ, mɑ pɛtɑ-ŋ mɑ təɣɩ. Yele nɑ mɑ́ nyɩ mpɑɑʋ ŋku kʋ tɑɑ mɑɑ tɔ tɔ. Pə tɑɣɑ pʋlʋ, nyɑ́ tɔɔ kɛ́ mɑ sələməŋ kpɑɑkɩ.

⁹Hɑɩ, Tɑcɑɑ, wɑɑsɩ-m mɑ kolontunɑɑ niŋ tɑɑ. Nyɑ́ cɔlɔɣɔ mɑ pɛɛkəɣɩ kpʋlʋɣʋ tʋɣʋ.

¹⁰Sɛɣɛsɩ-m nyɑ́ luɣu nyəntʋ lɑpʋ. Mpi tɔ, n kɛ́ mɑ Ɩsɔ kɛ́. Nyɑ́ Feesuɣu kʋpɑŋkʋ ɩ́ tiiki-m mpɑɑʋ kʋhʋlʋmʋɣʋ tɑɑ.

¹¹Tɑcɑɑ hɑ-m weesuɣu kɛ nyɑ́ hətɛ tɔɔ. Ləsɩ-m lɑŋwɑkəllɛ tɑɑ kɛ́ nyɑ́ siɣisuɣu tɔɔ.