SALMO 139:4-15

⁴Manara nimata rimaptinira kan yachanki imatami rimanayani nishpa.

⁵Allita chawpichawashpa kuydawanki. Makikita ñukapi churanki yanapawanaykipa.

⁶Chaykunata yachashpayni sukaman almirani. Mana atipanichu entiendiyta imashnami chashna kuydawanki nishpa.

⁷Chashna sukaman kuydawaptiki mana atipanichu Espirituykimanta pakakuyta. Ñawpaknikimanta mana atipanichu pakakuyta.

⁸Sieluman riptinipish chaypimi kawawanki. Wañudukuna rinankunaman riptinipish chaypimi kawawanki.

⁹Inti llukshimunan partiman riptinipish inti yaykunan partipi manllayba kochaman riptinipish chaypipish kawawanki.

¹⁰Tukuy maymanpish riptini tariwanki. Alli ladu makikiwan apiwashpa purichiwanki.

¹¹Yuyaptini tutami pakawanka nishpa chaypipish tariwanki. Diya tutayaptinpish chaypimi tariwanki.

¹²Sukaman tutayaptinpish mana kanmanta atipanichu pakakuyta. Tuta kaptinpish diyapishina kawakunki. Tutapi diyapi chashnallami kawakunki.

¹³Kanmi mamaynipa wiksanpi rurawashkanki. Tukuy kuerpuynita rurashkanki.

¹⁴Chaykunata yachashpa almirashpa alabayki. Sukaman almirana layakunata rurashkanki. Allita yachani tukuy layata rurashkaykita.

¹⁵Mamaynipa wiksanpi kuerpuyni wiñaptin mana ni pi kawawaptinpish kanmi kawawashkanki.