Tingtoeng 139:4-15

⁴BOEIPA aw boeih na ming bangla ka lai dongah ol a om moenih he.

⁵A hnuk a hmai la kai nan thingthung tih kai soah na kut nan tloeng thil.

⁶Mingnah loh mangvawt la mangvawt coeng tih kai lakah a pomdoep te tah ka pha moenih.

⁷Na Mueihla taeng lamloh melam ka pongpa vetih na mikhmuh lamloh melam ka yong eh?

⁸Vaan la ka luei cakhaw namah hnap, Saelkhui ah thingkong ka phaih cakhaw namah hnap na om.

⁹Mincang phae ka phuel tih tuitun rhalvang ah kho ka sak.

¹⁰Teah pataeng na kut loh kai m'mawt vetih na bantang kut loh kai n'tuuk ni.

¹¹“Khohmuep loh kai n'thing,” ka ti ngawn cakhaw khoyin he ka taengvai ah vangnah la poeh.

¹²Khohmuep pataeng namah taengah hmuep pawh. Te dongah khoyin te khothaih bangla, tamyin khaw khosae bangla sae ni.

¹³Namah loh ka kuel khaw na lai tih a nu bungko khuiah kai nan cun coeng.

¹⁴Namah te kang hiin dongah ni kang uem. Na bibi khaw khobaerhambae la khobaerhambae coeng tih ka hinglu loh phaeng a ming.

¹⁵Ka thaa khaw namah taeng lamloh a thuh moenih. A huephael ah n'saii tih diklai laedil ah n'hlom.