SAAMUNƆ 48:2-14

²Zayↄn gbɛ̀ kaɛna maa, à dɛ anduna gbɛ̃ pínginɛ pↄnnaa ũ. Kína bíta wɛ́tɛ kú gbɛ̀ pì gu'igbãroo kpamɛ.

³Ludaa kú à gudãkpakiinↄ guu, à tò wà a dↄ̃ aafia'ekii ũ.

⁴Kɛ̀ kínanↄ lɛdolɛ kɛ̀ lɛ wà mↄ́ wà lɛ́ɛa lɛdo,

⁵kɛ̀ aↄ̃ wɛ́tɛ pì è lɛ, ben à bↄ̀ ń saɛ, vĩa ń kũ, ben aↄ̃ bàa lɛ̀.

⁶Gwen aↄ̃ↄe lugaan lán nↄgbɛ̃ nↄ̀wãwãkɛri bà.

⁷N ń wiwi lán ↄfãntɛ̃bↄɛ ĩa è latarinↄ góro'itɛnↄ wíwi nà.

⁸Yã kɛ̀ wá màn wa wɛ́ɛ è Dii Zĩ̀kpɛde wa Luda wɛ́tɛ guu. Luda wɛ́tɛ pì kàɛ àgↄ̃ kuu gurↄ píngi.

⁹Luda, wá kú n kpɛ́ ua, wée laasuu lɛɛ n yenzikɛɛa.

¹⁰Luda, lán n tↄ́ dàgula ai anduna lɛ́n nà, lɛn n sáabukpana dàgula lɛ dↄ. Nɛɛ̀ yã gↄ̃gↄ̃ n gbɛ̃nↄnɛ a zɛ́a.

¹¹Zayↄn kpiideenↄↄ e pↄnnaa kɛɛ, Yudanↄ bùsu wɛ́tɛdeenↄ pↄↄ kɛ̀ nna, yãkpaɛ kɛ̀ ń kɛ̀nↄ yãnzi.

¹²À dↄdↄkↄ̃zi à liga Zayↄnzi, à à bĩi dãkpaki lezĩ pariinↄ naro.

¹³À à bĩinↄ tàasi kɛ kↄ̃n à zɛki gbãaanↄ lɛ à e à tↄ̃kɛ̃ kpɛɛdeenↄnɛ.

¹⁴Zaakɛ Luda kɛ̀n wa Luda ũ gurↄ píngi, è dↄwe aɛ ai wà gá gáo gákiiamɛ.