ܡܙܡܘܪ̈ܐ 48:2-14

²ܫܲܦܝܼܪܵܐ ܒܪܵܡܘܼܬܵ‌ܐ، ܚܲܕܘܼܬܵ‌ܐ ܕܟܠܵܗ̇ ܐܲܪܥܵܐ، ܛܘܼܪܵܐ ܕܨܸܗܝܘܿܢ ܒܫܸܦܘܼܠܹ̈ܐ ܕܓܲܪܒܝܵܐ، ܡܕܝܼܢ݇ܬܵ‌ܐ ܕܡܲܠܟܵܐ ܓܘܼܪܵܐ.

³ܐܲܠܵܗܵܐ ܒܩܲܨܪ̈ܘܼܗ̇ ܡܘܼܕܸܥܵܐ ܠܹܗ ܓܵܢܹܗ ܐܲܝܟ݂ ܓܵܘܣܵܐ.

⁴ܣܵܒܵܒ ܗܵܐ، ܡܲܠܟܹ̈ܐ ܚܘܼܝܸܕ ܠܗܘܿܢ، ܥܒ݂ܝܼܪܗܘܿܢ ܥܲܡ ܚܕܵܕܹ̈ܐ.

⁵ܐܵܢܝܼ ܟܲܕ ܚܙܹܐ ܠܗܘܿܢ، ܦܝܼܫ ܠܗܘܿܢ ܬܡܝܼܗܹܐ، ܫܥܝܼܫ ܠܗܘܿܢ ܘܡܘܼܠܝܸܙ ܠܗܘܿܢ ܠܸܥܪܵܩܵܐ.

⁶ܪܲܬܪܲܬܬܵ‌ܐ ܩܵܡ ܕܵܒ݂ܩܵܐ ܠܗܘܿܢ ܬܵܡܵܐ، ܘܚܸܒ݂ܠܹ̈ܐ ܐܲܝܟ݂ ܝܵܠܸܕܬܵ‌ܐ.

⁷ܒܦܵܘܚܵܐ ܕܡܲܕܢܚܵܐ، ܟܹܐ ܬܵܒ݂ܪܹܬ ܓܵܡܝܼܹ̈ܐ ܕܬܲܪܫܝܼܫ.

⁸ܕܵܐܟ݂ܝܼ ܕܫܡܝܼܥ ܠܲܢ، ܗܵܕܟ݂ܵܐ ܚܙܹܐ ܠܲܢ، ܒܡܕܝܼܢ݇ܬܵ‌ܐ ܕܡܵܪܝܵܐ ܚܲܝܠܬܵܢܵܐ، ܒܡܕܝܼܢ݇ܬܵ‌ܐ ܕܐܲܠܵܗܲܢ، ܐܲܠܵܗܵܐ ܒܸܬ ܡܲܩܘܹܐ ܠܵܗ̇ ܗܲܠܔ ܥܵܠܲܡ. ܣܹܠܵܗ

⁹ܬܘܼܚܡܸܢܲܢ، ܝܵܐ ܐܲܠܵܗܵܐ، ܒܘܼܬ ܛܲܝܒܘܼܬܘܼܟ݂، ܒܓܵܘܵܐ ܕܗܲܝܟܠܘܼܟ݂.

¹⁰ܐܲܝܟ݂ ܫܸܡܘܼܟ݂، ܝܵܐ ܐܲܠܵܗܵܐ، ܗܵܕܟ݂ܵܐ ܝܠܵܗ̇ ܬܸܫܒܘܿܚܬܘܼܟ݂ ܗܲܠܔ ܡܲܪ̈ܙܵܢܹܐ ܕܐܲܪܥܵܐ، ܡܠܝܼܬܵ‌ܐ ܝܠܵܗ̇ ܝܲܡܝܼܢܘܼܟ݂ ܙܲܕܝܼܩܘܼܬܵ‌ܐ.

¹¹ܚܵܕܹܐ ܛܘܼܪܵܐ ܕܨܸܗܝܘܿܢ، ܦܵܨܚܝܼ ܒܢܵܬܹ̈‌ܐ ܕܝܼܗܘܼܕܵܐ، ܒܘܼܬ ܕܝܼܘܵܢܘܼ̈ܟ݂.

¹²ܚܕܘܿܪܘܼܢ ܚܵܕܸܪ̈ܘܵܢܹܐ ܕܨܸܗܝܘܿܢ، ܘܟܪܘܿܟ݂ܘܼܢ ܠܵܗ̇، ܡܢܹܝܡܘܼܢ ܒܘܼܪ̈ܓ̰ܘܼܗ̇.

¹³ܡܲܣܸܡܘܼܢ ܒܵܠܵܐ ܒܫܘܼܪ̈ܘܼܗ̇، ܨܲܚܨܹܝܡܘܼܢ ܠܩܲܨܪ̈ܘܼܗ̇، ܩܵܐ ܕܗܲܩܹܝܬܘܿܢ ܠܕܵܪܵܐ ܐܚܹܪܢܵܐ.

¹⁴ܕܐܵܗܵܐ ܐܲܠܵܗܵܐ، ܐܲܠܵܗܲܢ ܝܼܠܹܗ، ܠܥܵܠܲܡ ܥܵܠܡܝܼܢ، ܗ̇ܘ ܒܸܬ ܡܕܲܒܸܪܲܢ ܗܲܠܔ ܡܵܘܬܵ‌ܐ.