Salmos 48:2-14

²Ibiyob Sión-yala yeerdaklege, bela napneg-naid weligwar imaked. Sión-yala, dad-nakwed-argan-sapiledsik-siid, Bab-Dummad-e-neggweburga gued.

³Bab-Dummadi, Sión-neg-suid-gandikmaladgi, dulemar-edarbedga gued.

⁴Reymar na atosmalad, geb Jerusalénʼgi gwisguargusmalad.

⁵Reymar a-neggwebur-dakargu, geger-dakarmalad, abin gwakidmalad, itosur-gwae duurmakdemalad.

⁶Emargi bela-belad dobed nagusad, igi sior ugakgunair, e-boniba galitonaidae, debayobi, a-dulemargi dobed nagusad.

⁷Dii-burwa-dummadba Tarsis-ulu-dummagan-aibinebayobi, dulemargi dobed nagusad.

⁸Igi-anmar-sunnagwad uayagwar epenne na ibmar itosmala, emide, deyob Bab-Dummad-Bela-Gangued-Nikad-e-neggweburgi, anmar na ibyagwar daksamalad. Anmar-Bab-Dummad, na e-neggwebur, degisadegu-sii imakoed.

⁹Bab-Dummad, anmar bese-goled-neggi, be-ise-wile-anmar-dakmaidgi binsabukwadamalad.

¹⁰Bab-Dummad, bela napneg-ugakaase be-nug odummoleged. Be-nuggi nued sunmaklediid. Igar-innikigwadba be negsemaid.

¹¹Be-igar-innikii-imakedba Sión-yala yeer-itoged, Judá-neggwebur-burwigana weligwar itomarmogad.

¹²Sión-yala be ebirnamalo, binnalee be namalo. E-neg-suigan-bukwad be ebismalo.

¹³E-galu-matusurmalad nue be dakmalo, e-neg-gandikmalad nue be argamalo. Adi, yoo be-wagan-danikoedga be we-ibmar sogmalagar.

¹⁴We-Bab-Dummadi, anmar-Bab-Dummad-degisadeguadid. Bab-Dummadi, anmar-idudii sadeguoed.