SAAMUNƆ 37:7-23

⁷Ǹ lɛ́ yĩtɛ Dii aɛ ǹ sↄ̃kpazi, ǹton tó auzikide yã n kũ gbãa gurↄↄ kɛ̀ à bↄ̀ kↄ̃n a wɛ́ɛzɛ̃ zaaaoro.

⁸Ǹ pↄfɛ̃ tó ǹ mì kɛ̃ pɛ̃tɛ̃a. Ǹton tó yã beeenↄ n kũ gbãaro, è mↄ́ kↄ̃n yãzaakɛnaomɛ.

⁹Zaakɛ gbɛ̃ zaaanↄ é kaatɛ, gbɛ̃ kɛ̀ aↄ̃ wɛ́ɛ dↄ Diizinↄ bé wégↄ̃ bùsu vĩ.

¹⁰À gↄ̃̀ féte kɛ̀ gbɛ̃ zaaanↄ égↄ̃ kuu dↄro, baa tó n ń wɛ́tɛ, nɛ́ ń ero.

¹¹Zĩndabusarinↄ bé wégↄ̃ bùsu vĩ, aↄ̃égↄ̃ pↄnnaa kɛɛ kↄ̃n aafia bítao.

¹²Gbɛ̃ zaaa è à zaaa kpákpa gbɛ̃ maaazi, è fɛ̃zi.

¹³Mↄde Dii ègↄ̃ à yáa dↄↄ, zaakɛ à dↄ̃ kɛ̀ à gurↄↄ é papa.

¹⁴Gbɛ̃ zaaanↄ è fɛ̃ɛdaa woto, aↄ̃è ń kà kpá sála, lɛ wà e wà takaasideenↄ kↄ̃n wɛ̃ndadeenↄ dɛdɛo, aↄ̃é gbɛ̃ kɛ̀ ń yãkɛna maaanↄ kaatɛ.

¹⁵Aↄ̃ zĩnda fɛ̃ɛdaa é ń zↄ̃ ń swɛ̃̀n, weé ń sánↄ ɛ́'ɛńnɛ.

¹⁶Pↄ́ féte kɛ̀ gbɛ̃ maaa vĩi dɛ gbɛ̃ zaa pariinↄ auzikila,

¹⁷zaakɛ gbɛ̃ zaaanↄ gbãaa é mì dɛ, mↄde Diin gbɛ̃ maaanↄ kũna ũ.

¹⁸Dii taarisaideenↄ yã dↄ̃, aↄ̃ baka ègↄ̃ dɛ ń pↄ́ ũ gurↄ píngi.

¹⁹Wí é ń kũ yã pãsĩ gurↄↄ zĩro, baa tó dekaa kà, aↄ̃égↄ̃ kãna.

²⁰Gbɛ̃ zaaanↄ sↄ̃ é kaatɛ, Dii ibɛɛnↄ é yãa lán sɛ̃̀la bↄ̀rↄ nà, aↄ̃é gɛ̃tɛ lán tɛ́sukpɛ bà.

²¹Gbɛ̃ zaaa è pↄ́ sɛ̃kãḿma à à fĩa boro, gbɛ̃ maaa sↄ̃ è gba da maamaa.

²²Gbɛ̃ kɛ̀ Dii aubarika dàńgunↄ bé wégↄ̃ bùsu vĩ, gbɛ̃ kɛ̀ à lɛ́ kɛ̀ńnɛnↄ sↄ̃ é kaatɛ.

²³Dii è gbɛ̃ da zɛ́ kɛ̀ dɛ à sɛ́a, à pↄↄ ègↄ̃ nna à kuunaa.