Tingtoeng 37:7-23

⁷BOEIPA taengah duem om lamtah amah te rhingoel lah. Tangkhuepnah aka saii hlang loh a longpuei a thaihtak sak vaengah sai boeh.

⁸Thintoek te rhael, na sue khaw hnoo lamtah sai boeh. Thintoek he thaehuet bueng lam ni a pawk.

⁹Thaehuet rhoek te moeng uh vetih a BOEIPA aka lamtawn rhoek loh khohmuen a pang uh ni.

¹⁰Tedae kolkalh ah om vetih halang te om mahpawh. A hmuen ham khaw na yakming pah suidae amah om hae mahpawh.

¹¹Tedae kodo rhoek tah khohmuen a pang uh vetih ngaimongnah cungkuem dongah ngailaem uh ni.

¹²Halang loh hlang dueng te a mangtaeng tih a taengah a no a tah thil.

¹³A khohnin halo te a hmuh dongah anih te Boeipa loh a nueih thil.

¹⁴Halang rhoek loh cunghang a yueh uh tih mangdaeng cungku sak ham neh a thuem longpuei kah khodaeng ngawn ham lii a phuk uh.

¹⁵Tedae amih kah cunghang loh amamih kah lungbuei te a hun pah vetih a liva khaw tlawt ni.

¹⁶Aka dueng kah a yol a khueh te halang kah muep a tawn lakah then.

¹⁷Halang rhoek kah a ban te khaem vetih hlang dueng te BOEIPA loh a talong ni.

¹⁸Cuemthuek rhoek kah khohnin te BOEIPA loh a ming pah dongah, a rho khaw kumhal duela om ni.

¹⁹Yoethaenah tue vaengah yak uh pawt vetih lamlum tue vaengah hah uh ni.

²⁰Tedae halang rhoek te milh uh vetih BOEIPA kah thunkha thunhling te rhamtlim paithen bangla hmata ni. Hmaikhu bangla khumpael ni.

²¹Halang loh a pu vaengah thuung pawt dae hlang dueng long tah a rhen tih a paek.

²²Amah kah yoethen a paek rhoek loh khohmuen a pang uh tih a tap rhoek te moeng uh ni.

²³BOEIPA loh hlang kah khokan a cikngae sak tih a longpuei khaw a ngaih pah.