17Məni sevənləri sevirəm, Məni səylə axtaran tapır.
18Sərvət və şərəf, Dağılmaz var-dövlət və salehlik yanımdadır.
19Barım qızıldan, saf qızıldan dəyərlidir, Bəhərim gümüşdən qiymətlidir.
20Mən salehlik yolunda, Ədalət yollarının ortasında gəzərəm.
21Məni sevənləri sərvətə çatdıraram, Xəzinələrini dolduraram.
22Rəbb Öz yolunun başlanğıcında, Hər işindən əvvəl mənə malik oldu.
23Yaradılışın əzəlindən, Dünya yaranmazdan əvvəl mən var idim.
24Dərin sular olmazdan əvvəl, Bol sulu çeşmələr olmazdan əvvəl doğulmuşam.
25Dağlar yaradılmazdan əvvəl, Təpələr mövcud olmazdan əvvəl təvəllüd tapmışam.
Süleymanin Məsəlləri 8
Süleymanin Məsəlləri 8:17-25