21Oğlum, sağlam şüura, dərrakəyə bağlan, Bunlardan gözünü çəkmə.
22Onlar sənin həyatın olar, Gözəl naxış kimi boynuna bağlanar.
23O zaman rahat gəzərsən, Ayaqların büdrəməz.
24Qorxusuz, rahat yatarsan, Şirin yuxu taparsan.
25Qəfil fəlakətdən, Pislərə gələn bəladan qorxma.
26Çünki güvəndiyin Rəbdir, O qoymaz ki, sən tələyə düşəsən.
27Əlindən yaxşılıq gəlirsə, Buna layiq insanlardan əsirgəmə.
28İmkanın varsa, qonşuna demə: «Sonra gələrsən, sabah verərəm».
29Yanında sakit yaşayan qonşun üçün Şər qurma.
30Sənə pislik etməyənlə Nahaq yerə çəkişmə.
Süleymanin Məsəlləri 3
Süleymanin Məsəlləri 3:21-30