15Haqq öz yerinə gələndə saleh sevinər, Şər iş görənin başı bəlaya düşər.
16Kim ki ağlın yolundan çıxar, Ölülər camaatı arasında uyuyar.
17Zövq-səfaya düşkün olan ehtiyaca düşər, Şərab və yağlı yemək hərisi sərvət tapmaz.
18Pis insan salehin yerinə, Xain əməlisalehin əvəzinə girov verilər.
19Davakar, deyingən arvadla yaşamaqdansa Çöllükdə yaşamaq yaxşıdır.
20Hikmətlinin evində istənilən xəzinə və bolluq var, Axmağın nəyi varsa, yeyib-qurtarar.
21Salehlik və sədaqətin ardınca gedən Həyat, salehlik və şərəf tapar.
22Bir hikmətli qəhrəmanların şəhərinə hücum çəkər, Alınmaz qalanı darmadağın edər.
Süleymanin Məsəlləri 21
Süleymanin Məsəlləri 21:15-22