Süleymanin Məsəlləri 18:17-22

¹⁷İddiasını əvvəl deyən haqlı görünər, Amma əleyhdarı gəlib onu istintaq edər.

¹⁸Püşk atmaq davaları yatırar, Savaşanları bir-birindən ayırar.

¹⁹İncik qardaşın könlünü almaq qalalı şəhəri almaqdan daha çətindir, Belə davalar qapısı cəftəli qala kimidir.

²⁰İnsanın qarnı ağzının bəhəri ilə, Dilinin səmərəsi ilə doyar.

²¹Ölüm və həyat dilin əlindədir, Onu sevənlər barından yeyir.

²²Arvad alan uğur qazanar, Rəbbin razılığını alar.