Psalms 81:9-16

⁹Nina nebugura kulukal ale kaem bo kilimik me ta nup patawuralko!

¹⁰Ani Yawe, nenenga Kaem; anigita, nina Egypt memek bagaman se ninga giem ale nengerak tairem. Mel i ko kueral mu balal se ani ningarikko.

¹¹Bare aninga kariimet agiring me ikiman nunguning; Israel nunumi karogo me kapaman ale agiring me karo tuman.

¹²Buta se ani nongomang motam aora biya mu ago nunga bita taem, se nongota nunga ikia memek la karo tuikasan.

¹³Aninga angamang motam nunguning mu aga kariimet Israel ninguru agiring ikimon ale aga munan karo tumonko aniso!

¹⁴Uwuta mu asele, ani tairate kager kari memek alo nunga maguwuwasan mu nunga morik ale nunga menawurikko.

¹⁵Arikaya ani me aga kuesan mu nguangamon ale ani asiwik duap ningi nubugura kulukurmonko; se ikup memek nungarsam mu butata pempem anirukko.

¹⁶Bare nina mu, ani inang yaman ningo nunguningkiri mu se, honey yaman nuam mu ningarik se nal ale ningimik karogo terong maukko.”