Mboe 81:9-16

⁹Kozo kembeeze pa merere toro sa pepe. Tana kelek kumbuyom pa wal pakan merere kizin pepe.

¹⁰Pa nio Yooba ta Anutu tiom. Nio ta aŋkam yom ma kezem Aikuptu. Tana kwoyom ikaaga. Naso aŋparaurau kwoyom be kapakur kat nio zoŋ.”

¹¹Tamen wal tio Israel tileŋ la kalŋoŋ som. Mi lelen be timbot la kopoŋ mbarmaana som.

¹²Tanata aŋzem zin ma tikam zooroŋana irao zitun lelen mi ŋgar kizin.

¹³Mibe tileŋ la kalŋoŋ mi tito zaala tio, so ndabok!

¹⁴To loŋa men mi aŋkoto kan koi bizin, mi aŋpun zin pa ituŋ mburoŋ ma timap.

¹⁵To zin wal ta tiurur koi pio na, tilek kumbun pio raama motoŋana biibi, mi tikam kadoono kizin sananŋana tabe imbotmbot se kizin ma alok.

¹⁶Tamen zin Israel na, nio ko aŋkam kan kini ambaimbaiŋan be tikan ma kopon bok. Mi aŋkam bigil suruunu ma ireere pa pat be tiwin ma tirao.