Pesalem 81:9-16

⁹Ônam sakiŋ anôtô jaba teŋ atomanô. Ma aôm oteŋ mec êndêŋ tenteŋlatunêŋ anôtôi teŋ atom.

¹⁰Aê Apômtau, tec katu nêm Anôtô, taŋ gawê aôm aŋga gamêŋ Aiguptu naŋ. Ôŋa awamsuŋ kacgeŋ gebe jalôm aôm.

¹¹“Mago ŋoc lau sêkêŋ taŋeŋ aê atom ma Israel sêgôm aêŋoc biŋ kêtu tôŋ atom.

¹²Tec gawi êsêac siŋ kêtu gêsuŋtêkwa ŋatoŋŋa sêsa nêŋ lêŋ kêtôm êsêac tauŋ nêŋ ŋalêlôm.

¹³Ojae ŋoc lau sêkêŋ taŋeŋ aêmaŋ. Israel sêsa ŋoc lêŋmaŋ.

¹⁴Go jakôniŋ êsêacnêŋ ŋacjo tôŋ sebeŋ ma jaku êsêacnêŋ ŋacjo samob tulu.

¹⁵Êsêac taŋ têntac gedec aê naŋ, oc sewec toŋalêlôm ŋatutucgeŋ sêkô aê laŋôcnêm gebe nêŋ ŋagêjô oc ênêc endeŋ tôŋgeŋ.

¹⁶Mago aê gabe jalôm aôm ŋa mo mataêjamgeŋ ma gabe jakêŋ lêp aŋga poclabu êsa wacêlau aôm.”