Psalms 71:19-24

¹⁹O Kaem, awiri nika iwita? Mena. Nigita ni munan bibiya beterem; nika kiwem ningo diram mu taiti gomang ningi kalel biya.

²⁰Ni ikiwerem se ani ikup yaman suen biya giem; ani mutim du biya ningi iwita kaperem, bare ani ikisam ni akingtala sokel iru aisu ale aga patawur se bausekko.

²¹Ni aninga aip kaparam mu aking patawur ale angamang motam sokel tuiko.

²²O aga Kaem, Israel ko Kaem Laili, ani nika munan diram la ago ko betera mu ko gita morik ale nip patawurikko.

²³Ni aninga sangaru taem, se ani amilmil te airik ale wur te nip patawurikko.

²⁴Kariimet aninga maguwumonko mu ni nosokel menawurem se dolara biya taman; se tirom woremkalal ani nika kiwem ningo diram mu ko balu se lagarikko.