Pisalem 71:19-24

¹⁹Meenei God, oo donu le e dau i nua loo. Goe guu hai au hegau hagalabagau huoloo, ma deai tangada e hai be Goe ai.

²⁰Goe gu gaamai gi di au di haingadaa mo di dadaaligi, gei Goe gaa hai labelaa au gi maaloo. Goe ga benebene au gi dee made.

²¹Goe gaa hai au gi aamua gi nonua gaa hana hua beelaa. Goe ga haga manawa lamalia labelaa au.

²²Au ga hagaamu Goe gi dagu ‘harp’, meenei dogu God, au ga hagaamu do manawa dahi. Au ga badubadu dagu ‘harp’ mo di daahili adu gi di goe i taahili hagaamu adu gi di Goe go Tangada Haga madagu o Israel.

²³Au ga wolowolo mo di tenetene i dogu madagoaa ma gaa hai agu gatangi adu gi di Goe. Dogu huaidina hagatau ga daahili, idimaa Goe dela ne haga dagaloaha au.

²⁴Au ga hagadeledele di hai o oo donu mai luada gaa hana loo gi di boo, idimaa digau ala bolo ginaadou e hagahuaidu au, la gu magedaa gu hagalangaadia.