Psalms 49:2-10

²Nina kariimet ninip ago ta, se kariimet ninip mena ta, kariimet mel suen biya karogo, se ningimik mel mena ta, den imi ninguru ikialko.

³Aninga agiring te ikia sinar ko den balikko; aninga angamang motam ningi den ningo mu balik se ikia ningo ningarukko.

⁴Ani den sinar bo angamin te taiso, se aga gita te kola se, ko duap ninga manikko:

⁵Ani anape ko tom memek aga irok mu ko ani nguanga se lagarikko? Kari memek nunga kawel te aga laturmon, bare ani me ta nguangarikko.

⁶Nuna nunga mel suen biya wore te ira sanamasan, ale nunga manga bibiya wore te nunumi patawusan.

⁷Bare ali kari bo ta, bo ko dora kumik dia taukko me terong; agi nu kota numi manga te Kaem kote dia taukko me terong tala.

⁸Mu awuk, kariimet bo ko dora diara mu ko koma kalel aromemek; manga ta, anapeya ta te, wore me terong la.

⁹Kari bo ikiok numi manga te diaruk ale me kua iwi namaruk, marak pempem bagarukko i mauk wore ko, mu mena.

¹⁰Ana ikisan, kariimet ikia sinar karogo ta wore kuesan tala; se kariimet ikia sinar mena se ngualara mu koma suanta kuesan, ale nunga manga se mel ningo ningo mu betesan se kariimet saki no maguwusan.