Psalms 47:1-7

¹(Korah ko kuriang alo nunga wur bo) Airal ale nigiting moralko! Nina kariimet suen la Yawe nup patawuralko!

²Mu awuk, nu am King duap bo; nu kalel biya, ali lilim la bitarso.

³Nu sor saki nunga gi nabowa ningi nunga awuram, ale ko kariimet nasiwik duap ningi nunga awuram.

⁴Nu ana nanga ali se mel suen la mu balu nangaram, se ana mu ko amilmilasan; ana Jacob ko gue te ko kariimet, nu ninguru nanga kueso.

⁵Kariimet amilmil kelaga se, trumpet ituguwaman se Yawe barasam nama tarigiram.

⁶Wur iluwal, Kaem nup patawuralko; wur iluwal, nanga King ko nup patawuralko.

⁷Mu awuk, Kaem nu ali lilim la ko King, se wur te nup patawuralko.