Mboe 47:1-7

¹Mboe kizin Kora Niom iwal ta boozomen, menmeen yom mi kepespeeze nomoyom! Kalŋoyom isala, mi kombo mboe mi kapakur Anutu!

²Yooba, ni Anutu kor kana kat. Kozo komototo i mi keleŋleŋ la kalŋaana. Pa ni ta king biibi ŋonoono, mi ikamam peeze pa wal boozomen ta timbotmbot toono na.

³Ni ikoto zin karkari, mi iur zin ma timbot la niam kopoyam mbarmaana. Mi ipun zin wal matan munŋan mburan ma imap kat, tabe kumbuyam ise ŋguren.

⁴Niam wal ta Yakop popoŋana kini na, menmeen yam mi niyam ise pa Yooba. Pa ni leleene piam, mi iur leyam matamur ndabokŋana kat.

⁵Anutu izalla be mbuleene se muriini peeze kana. Tana twiiri itaŋtaŋ, mi tomtom kalŋan izalla mi tiyotyooto raama menmeen zin.

⁶Kombo mboe mi kapakur Anutu. Kombo mboe mi kiwit king kiti uruunu ma isala kor!

⁷Pa Anutu, ni king biibi ŋonoono ta ikamam peeze pa toono ta boozomen. Tana kombo mboe mi kapakuri!