GWAY GI IDAWUU’D 47:1-7

¹Tori me’d bum mo, aris ’kwani ’baar mo. Ḵumi cuuwa/ mo goma Arumgimis mo ki gway jin eḵu/ ki nyanye/ gom bwaŋ ’kunyka/ mo.

²Haali/ Tap̱a, a’di jin Caa e ki Ca mo tani a’di ḵa/aḵa/ mo, a’di jin ta dhana Maliḵ ap̱o/ mony’ceshi ’baar mo.

³A’di ki dhuwa ris ’kwani e bwaŋ’kwariny ana mo dhali aris ’kwani e bwaŋ’kwariny sho’k bana mo.

⁴A’di ki kwany mal bana gom ana mo, ’ba/ jin kar ma Yakuub ki ca a’di jin ena a’di mo be. Doshi ma dhali ’cunycuri yan mo.

⁵Arumgimis shinki bway momis cuuwa/ ilu/ mo be, dhali Tap̱a ki ko ma poome/ mo.

⁶Yuḵi gway mmomaŋ Arumgimis mo, yuḵi gway mmomaŋa maŋ mo. Yuḵi gway mmomaŋa Maliḵ bana mo, yuḵi gway mmomaŋa maŋ mo.

⁷Haali/ Arumgimis a’di ta’da Maliḵ gom mony’ceshi ’baar mo. Yuḵi gway mmomaŋa maŋ ki gway jin yedhuwa ye’th sho’k mo.