Psalmaro 47:1-7

¹Al la ĥorestro. De la Koraĥidoj. Psalmo. Ĉiuj popoloj, plaŭdu per la manoj, Kriu al Dio per voĉo de kanto.

²Ĉar la Eternulo Plejalta estas timinda; Li estas granda Reĝo super la tuta tero.

³Li subigas al ni popolojn Kaj metas gentojn sub niajn piedojn.

⁴Li elektas por ni nian heredon, La majeston de Jakob, kiun Li amas. Sela.

⁵Dio supreniras ĉe sonoj de ĝojo, La Eternulo ĉe trumpetado.

⁶Kantu al Dio, kantu! Kantu al nia Reĝo, kantu!

⁷Ĉar Dio estas la Reĝo de la tuta tero: Kantu edifan kanton!