Psalms 42:5-9

⁵Aninga angamang motam pa awuk se dagulam? Awuk se kumik lila mena? Bare aninga ikia, aninga loagara mu Kaem kote la bitirikko; se nu aninga sanguk se ani akingtala nup patawurikko; nu aninga Saonga Kari, se

⁶aninga Kaem. Ani angamang motam dagulam; se yu Jordan ko supuling duruk Hermon se duruk Mizar te baga se, ni ko ko angamin ares maso,

⁷mu awuk, ani nika yu tengeso ale tai tagoso nirung kaposo ale tamun numi moso ale namoso taiso iwita bagasam.

⁸Yawe woremkalal pempem gomang aisiso, ale tirom wur aisiso se guranek iwita ilu aga Kaem tusam.

⁹Aninga Kaem mu aninga Duruk motongar, se ani isarsam, “Ni awuk se ani ago ko kamili saparam? Awuk se kari memek aga maguwuman se iwitata ma niara te la bagasam?”