Buk Song 42:5-9

⁵Bilong wanem mi bel hevi oltaim? Bilong wanem bel bilong mi i kirap nogut? Mi mas bilip long God na wetim em i helpim mi. Em i God bilong mi na em i save helpim mi. Olsem na bai mi litimapim nem bilong en gen.

⁶Bel bilong mi i hevi moa, olsem na mi tingting long yu. Mi stap long hap bilong Jordan, na long maunten Hermon na maunten Misa, na mi tingim yu gen.

⁷Solwara i daun tumas i save singaut long narapela solwara i daun moa. Na wara i ran long ples ston na i kapsait i go daunbilo, dispela wara i save pairap moa yet. Yu save mekim biksi i bruk na kalap nabaut, na karamapim graun long nambis. Olsem tasol olgeta hevi yu putim long mi em i karamapim mi.

⁸Tasol mi laik bai Bikpela i ken marimari long mi long san. Na long nait mi laik mekim song bilong tenkyu long em, na mi beten long God i save givim laip long mi.

⁹God i save givim strong long mi na mi tokim em olsem, “Bilong wanem yu lusim tingting long mi? Bilong wanem yu larim ol birua i daunim mi na mekim mi i bel hevi nogut?”