A Umana Kakailai 42:5-9

⁵Tulungeagu, ta ra ava u lingligur? Ma ta ra ava u ngarangarao? Una ki nunur tai God; tago ina pite pa ia boko, Nina ba kaugu tena maramaravut ma kaugu God.

⁶Kaugu God, a tulungeagu i lingligur tuna, Kari ina nuk pa u ta ra gunan Iordan, Ma ta ra lualuana Kermon ma ta ra buana Misar.

⁷A umana tava dia vargat vargiliane diat ta ra roro na lovon ta, Iau dudu ka ta kaum lavur bobol ma kaum top.

⁸Ma ra Luluai i tul tar kana varmari ba na balaure iau ta ra keake, Ma ta ra marum iau pite pa ia ma ra kakailai, Maia, ma iau araring tadav God ra vunapai kaugu nilaun.

⁹Ina biti tai God kaugu vat ki dari: Ta ra ava u tar valubane iau? Ta ra ava iau lingligur ta ra dekdek na varkurai kai kaugu ebar?