Psalms 24:3-10

³Arika Yawe ko duruk te nama tarigimonko terong? Ale arika noko kuwim laili mu te sanamamonko terong?

⁴Mu kariimet nuguting karur mena, se nongomang motam lilim, se kaem kawel me nunup patawusan, ale saki alo den kawel te me nunga kulursan, kariimet uwuta mu Kaem ko kuwim umu te bagamonko terong.

⁵Kariimet uwuta umu Yawe nunga sangaru tauk ale ningo diram ko nunga baluk ale marak sokel yawara nungarukko.

⁶Kariimet uwutata mu asele Kaem kote pingi namamonko terong maman, ale Jacob ko Kaem nup patawumonko terong maman.

⁷Songkuring kagaru karogo namaralko; girakala ko songkuring kagaru ulal awural se nikim biya ko King te kasu nagurokko!

⁸Se nikim biya ko King mu awiri ya? Mu Yawe sokel garagar nunguningkiri, nu kager te sokel karogo.

⁹Se songkuring kagaru karogo namaralko; girakala ko songkuring kagaru ulal awural se nikim biya ko King te kasu nagurokko!

¹⁰Se nikim biya ko King mu awiri ya? Mu Yawe Sokel Garagar umutang nikim biya ko King!