ܡܙܡܘܪ̈ܐ 24:3-10

³ܡܵܢܝܼ ܐܵܣܹܩ ܒܛܘܼܪܵܐ ܕܡܵܪܝܵܐ؟ ܘܡܵܢܝܼ ܟܵܠܹܐ ܒܕܘܼܟܬܵ‌ܐ ܕܩܘܼܕܫܹܗ؟

⁴ܗ̇ܘ ܕܙܲܟܵܝܹܐ ܝܢܵܐ ܐܝܼܕܵܬܘܼ̈ܗ‌ܝ ܘܕܸܟ݂ܝܵܐ ܝܠܹܗ ܠܸܒܹܗ، ܕܠܵܐ ܡܘܼܪܸܡ ܠܹܗ ܒܣܪܝܼܩܘܼܬܵ‌ܐ ܓܵܢܹܗ، ܘܠܵܐ ܝܡܹܐ ܠܹܗ ܒܦܸܠܡܵܐ.

⁵ܒܸܬ ܩܲܒܸܠܔ ܒܘܼܪܟܬܵ‌ܐ ܡ̣ܢ ܡܵܪܝܵܐ، ܘܙܲܕܝܼܩܘܼܬܵ‌ܐ ܡ̣ܢ ܐܲܠܵܗܵܐ ܕܦܘܼܪܩܵܢܹܗ.

⁶ܐܵܗܵܐ ܝܠܹܗ ܕܵܪܵܐ ܕܐܵܢܝܼ ܕܛܵܥܝܼ ܐܸܠܹܗ، ܛܵܥܝܵܢܹ̈ܐ ܕܦܵܬܘܼܟ݂، ܝܵܐ ܐܲܠܵܗܵܐ ܕܝܲܥܩܘܿܒ݂. ܣܹܠܵܗ

⁷ܡܲܪܡܘܼܢ، ܝܵܐ ܕܲܪ̈ܘܵܙܹܐ، ܪܹ̈ܝܫܵܘܟ݂ܘܿܢ، ܘܦܘܼܫܘܼܢ ܡܘܼܪܡܹܐ، ܝܵܐ ܬܲܪ̈ܥܵܢܹܐ ܕܥܵܠܲܡ، ܕܥܵܒܹܪ ܡܲܠܟܵܐ ܕܐܝܼܩܵܪܵܐ.

⁸ܡܵܢܝܼ ܝܠܹܗ ܐܵܗܵܐ ܡܲܠܟܵܐ ܕܐܝܼܩܵܪܵܐ؟ ܡܵܪܝܵܐ ܥܲܫܝܼܢܵܐ ܘܓܲܒܵܪܵܐ؛ ܡܵܪܝܵܐ ܓܲܒܵܪܵܐ ܕܦܠܵܫܵܐ.

⁹ܡܲܪܡܘܼܢ، ܝܵܐ ܕܲܪ̈ܘܵܙܹܐ، ܪܹ̈ܝܫܵܘܟ݂ܘܿܢ، ܘܦܘܼܫܘܼܢ ܡܘܼܪܡܹܐ، ܝܵܐ ܬܲܪ̈ܥܵܢܹܐ ܕܥܵܠܲܡ، ܕܥܵܒܹܪ ܡܲܠܟܵܐ ܕܐܝܼܩܵܪܵܐ.

¹⁰ܡܵܢܝܼ ܝܠܹܗ ܐܵܗܵܐ ܡܲܠܟܵܐ ܕܐܝܼܩܵܪܵܐ؟ ܡܵܪܝܵܐ ܚܲܝܠܬܵܢܵܐ، ܗ̇ܘ ܝܼܠܹܗ ܡܲܠܟܵܐ ܕܐܝܼܩܵܪܵܐ. ܣܹܠܵܗ