Psalms 130:3-8

³O Yawe, ni anananga memek suen la ari kutuwusam, ale memek mu te sanamir mu, awiri memek mena se ningo bagarukko? Mena.

⁴Bare ni anananga memek siwu nangarsam, se ana ni bowa ningi kua kisu se laganakko.

⁵Ani Yawe aga sangukko angamang motam lilim te ko kimi bitawasam, ale ko den te la ira sanami lagasam.

⁶Sor bitua kari sor pasak ukirok se nama noman saparukko kimi tui lagoso iwitatala, ani Kari Biya tairuk aga sangukko amotam bitawasam.

⁷O Israel, Yawe kote la loaga se lagaralko, mu awuk, nu ana ninguru nanga kua lagoso, ale nu nanga sangukko terong.

⁸Nu kota anananga memek suen la siwura ikiso.