Ola Saam 130:3-8

³YAWEI, if yu bina raidimdan ol melabat nogudbalawei, ebribodi bina git panish en dai.

⁴Bat yu nomo bin peiyimbek melabat blanga melabat nogudbalawei, wulijim melabat gin shoum rispek langa yu.

⁵Mi weit garram opin hat blanga YAWEI blanga album mi, en mi trastim langa im wed.

⁶Mi weidabat blanga yu YAWEI garram opin hat brabliwei, jis laik detlot men hu oldei wek wotjimbat olnait, en weidabat blanga wotaim im garra ailibala.

⁷Trastim YAWEI ol yumob Isreil pipul. Im kaan neba stap laigimbat yumob, en im oldei redi blanga seibumbat yumob.

⁸Oni im na garra seibum ol yumob Isreil pipul brom ol yumob nogudbalawei.