Sòm 130:3-8

³Si ou t'ap make tout zak nou fè, Seyè, ki moun ki ta ka leve tèt devan ou?

⁴Men, ou padonnen nou, pou n' ka respekte ou.

⁵Mwen mete tout espwa m' nan Seyè a, mwen mete espwa m' nan sa li di.

⁶N'ap tann Seyè a, tankou faksyonnè k'ap tann solèy leve, wi, tankou faksyonnè k'ap tann solèy leve!

⁷Nou menm pèp Izrayèl, mete tout espwa nou nan Seyè a, paske li renmen nou anpil. Li toujou pare pou delivre.

⁸Se li menm ki va delivre pèp Izrayèl la anba tout mechanste yo fè yo.