Proverbs 4:1-6

¹Pifakag, mmotoyilgad ko machib ko chitmangimed. Mu fal’eged e motoyil, mra tamilangan’med.

²N’en ni gu be machibnag ngomed e ba manigil, ere nge par uwan’med ni gubin.

³Nap’an ni ku gu ba’chig, ni kar gu mus e pagel ni fak e gal labthir rog,

⁴mi i machib nageg e chitmag. I yog ni ga’ar, “Mu tafeniyam ko tin gu be yog ma dariy bi’id ni ngam pagtalin. Mu rin’ e n’en kugog ma ga par ni gabfos.

⁵Nge yag ngom e gonop nge nangan’! Ma dab mu pagtalin ara mu sabalbalyang ko n’en ni gu be yog.

⁶Dab mu n’ag e gonop ya ir e ra yoror rom; mu t’ufeg me tem ni dabi buch ban’en rom.