1Motecfâc‐nane, ŋoŋe mamac‐ŋeŋic noni wiac ŋaza qazuc eekopac irec hazec râerâ mana hâmoniŋ, ehuc maŋzi mamana tara bâfuanʒepieŋ.
2Wiac qazu‐ŋareekopac i biaŋne sasawa, irec manasuhuc junʒepieŋ.
3No neŋgoc mamac jahec‐nane jahere motec wârâŋne mocsâkoa juhape
4mamac‐nanezi wiac qazu‐narewec. Ehuc dâŋ ʒiŋuc naza jujec: “Dâŋ gazaekopac sâc irec ninikec moc mi bâbâfua manasuhuc juzemec. Erâ sâcmutâc dâŋnane mana rereŋ ehuc sâcne juhâc qâhâmocmu.
5Go maŋɋârâŋ â maŋzi wiac mana utuckehuc mamana tara i bâfuazemec, ehuc dâŋ gazaekopac i mi qâsuazemec.
6Go maŋɋârâŋ mi râpeckecmuo ine izi hâcne sapecguocmu, â mana maŋ ecmuo ine soŋaŋguocmu.