Thuchihbu 4:1-6

¹Ka chapate, napauvin nahil chahnau ngai phauvin, giltah’a nahet them uva aphachom nasohdoh theina diuvin lunglut tah’in ngaijun.

²Ajeh chu Keiman ki puihoina ding dan phatah kapeh nahi. Hiche kathuhil chengsea kon hin kihei mangding gohih in.

³Keima jong kapa dinga chapa kana hin, kanu mitvet jenga jong ngailut umtah chapa changkhat seh kahi.

⁴Kapan hitin eina hil in, “Kathusei ho nalung in kisan lut in, ka thupeh jouse jong najuia ahileh, hinna’a nanei ding ahi.

⁵Chihna kisanlut in, hetthemna lam manon; Kakam sunga kon potdoh thuchang ho sumil hih in, dalha hih hel in.

⁶Chihna hi nungsun hih beh in, chihna hi ngaisang in, chutileh chihna hin nangma na umpi jing ding ahi.