Bugagia Bidibo Kolesagade Po Asęai Buku 4:1-6

¹Te wai dabe o, dagego te duga aya eno po bugagia odao. Olo bugagia mubaso da, te dagego wiegi yai homu kolesaga saibao.

²Te eno nagebolo mabo po, te wiegi yai mu, tama tibaso, dagego munu me sąnamu dao.

³Te idago gasa wai me ame nabe, te ena deli naga, tama agai homugo ena godolo mu yali.

⁴Tama ena dwasianu ogwa bidibadi, te eno ayago ena ola mani. Agai enabolo te tiwai po wali, “Te nago homuba eno po bugagia munama, tama dolo wali pao, tama nage bugagia mu bidaibao,” po wali.

⁵“Nago homu wiegi yai elama, te nago wiegi yai kolesaga koneama sao. Nago eno po te munu me sela sąyu, ma homugo gegeda pelama, tagalu me elamuo.

⁶Nago wiegi yai homu kolesaga ebo me tagaligio. Menio. Nago aga godolo mu ebaso da, te agai nage tonaluaibao.