Pilipai 4:10-14

¹⁰Eau sagege pepeho, eau vaisale sesele e Kraist, La Uru gatou, teale igoie amuto gabutalati lou eau. Sesele amuto kama vaula leau, eala moli la gauru ouka veia amuto ge suliau ovola.

¹¹Eala moli eau kama ge hateka, la vuhula mai eau ge savele la uati, la pulolou la savelela eau tahaiti ovola, veia mai la uati taku ilua moli eau ge taholea eia ge koramuli moli eau.

¹²Eau sagaititi, eala mai eau ge pou la savelela, veia mai eau ge pou tai la balavala, ale la golu bulalahu. Mai tai eau ge vitolo, uka eau ge maru, ale tai eau kama gabutatalea.

¹³La iloburukola tomi ale eau ge pogea, eau ge bolehohola la vagagirila te Iesus Kraist, eia la tuha magirigu.

¹⁴Eala moli ale eau pou la savelela, amuto loloa, amuto suliau, taritigi pepeho te alele.