Philippians 4:10-14

¹⁰Eto ungo iji koso amo ungona na hotembitie iriova amo nau degita hande ikari inono ae rate eha iji tutumota amo nau hande iketeve umbena avoeto Bada ta javota ungo osa ere ona.

¹¹Eto nau degita do mitia amo inono ke ijie mitovona te na koro uje ue ke ae ra te

¹²na ke erena amo do ondikarire avo nane vahai kiona amo nau degi ta donda iresuja eto irae amo na matu hamo arira eto indari ijite eto beuje ijite donda iresuja ijite eto donda irae ijite amo na matu hamo ngahia ari ra

¹³Eto ainge eona amita be amo Keriso na sovera ari ikeoi umbuona avoeto ari tapa amo nau degi ta inonora.

¹⁴Te ungona nau osaga avo kito koro hande iketeva avoeto tunga javotoho be ere ona.