NARONA 11:19-24

¹⁹Aↄ̃é só èe kɛ gurↄ donlo, gurↄ plaanlo, gurↄ sↄↄronlo, gurↄ kurinlo, gurↄ baronlo.

²⁰Aↄ̃é só mↄ do gbãngbãn ai à bↄ ń yĩn à nii bↄ ń pↄↄ guu. Zaakɛ mamↄma Dii má kú ń tɛ́, ben aↄ̃ pã kpàmazi. Aↄ̃ zↄka dↄ̀ma wà bè, bↄ́yãnzi wà bↄ̀ Igipitizi?

²¹Ben Musa bè: Gↄ̃gbɛ̃nↄↄ kúmao tá guu gↄ̃ↄn bↄrↄ wàa aagↄ̃, ben n bè nɛ́ nↄ̀bↄ kpáḿma wà só ai mↄ do gbãngbãn-ↄ́?

²²Baa tó wà sãanↄ kↄ̃n zùnↄ dɛ̀dɛ paripari, eé mↄ́ḿmaↄ́? Tó wà ísia kpↄ̀nↄ sɛ̀ɛ píngi, eé mↄ́ḿmaↄ́?

²³Dii wèàla à bè: Ma gbãaa é kánloo? Nɛ́ e tia, tó yã kɛ̀ má ònnɛɛ é kɛ ke eé kɛro.

²⁴Musa bↄ̀ à Dii yã pìnↄ òńnɛ. À Isaraili gbɛ̃nsinↄ kàkↄ̃a gↄ̃ↄn baaagↄ̃ akuri à ń zɛ́ wà lìga kutaa pìzi.