Naokɛa 26:1-61 - Bibeli Luayãtaalá

¹Gagyãpi gbɛa Dii yã'ò Mↄiziɛ ń sa'onkia Aalona nɛ́ Ɛleazaao à mɛ̀:

²À Isailiↄ nao ualɛ ń ualɛo píi, an gↄ̃ɛ pↄ́ kà wɛ̃̀ bao ge aa dɛa aa kà zĩkaaↄ.

³Ɔ̃ Mↄizi ń sa'onkia Ɛleazaao yã'ò Isailiↄnɛ Mↄabu bùsu sɛ̃u, Yuudɛ̃ baale bↄaa ń Yelikoo aa mɛ̀:

⁴Wà gↄ̃ɛ pↄ́ kà wɛ̃̀ bao ge aa dɛaↄ nao, lá Dii ò Mↄiziɛwa. Isaili pↄ́ bↄ̀ Egipiↄn kɛ:

⁵Isaili nɛgↄ̃ɛ sɛ̃́ia Lubɛni buiↄn kɛ: Anↄki buiↄ ń Palu buiↄ

⁶ń Ɛzↄ̃nↄ buiↄ ń Kaami buiↄ.

⁷Lubɛni buiↄn we. An dasi gbɛ̃ↄn ↄ̀aasↄsↄo lɛɛ bla ń àaↄ̃o ń ↄ̀aa àaↄ̃ ń basoolokwioɛ (43.730).

⁸Palupi mɛ́ Ɛliabu ì,

⁹ↄ̃ Ɛliabu Nɛmuɛli ń Datanio ń Abilaũo ì. Datani ń Abilaũpio mɛ́ gbɛ̃́ pↄ́ wì ń gbɛa kãaauↄ ũ, ↄ̃ aa zↄadↄ̀ Mↄizi ń Aalonaowa. Aa ku Kole gbɛ̃́ pↄ́ aa zↄadↄ̀ Diiwaↄ guu lↄɛ.

¹⁰Ɔ̃ tↄↄlɛ wɛ̃̀aa à ń mↄmↄ ń Kolepio sãnu. Zĩbeezĩ ↄ̃ tɛ́ kũ̀ aà gbɛ̃́ↄwa gbɛ̃ↄn ↄ̀aa do ń blakwio, aa gàga gbɛ̃́ kĩniↄ gbaa laai yã́iɛ.

¹¹Ń beeo Kole buiↄ i midɛo.

¹²Simɛↄ buiↄn kɛ daɛdaɛ: Nɛmuɛli buiↄ, Yamini buiↄ, Yakɛ̃ buiↄ,

¹³Zela buiↄ ń Saulu buiↄ.

¹⁴Simɛↄ buiↄn we. Aa gbɛ̃ↄn ↄ̀aasↄsↄo lɛɛ bao ń plao ń ↄ̀aa dooɛ (22.200).

¹⁵Gada buiↄn kɛ daɛdaɛ: Zɛfↄ̃ buiↄ, Agi buiↄ, Suni buiↄ,

¹⁶Ɔzeni buiↄ, Eli buiↄ,

¹⁷Aloda buiↄ ń Aleli buiↄ.

¹⁸Gada buiↄn we. An dasi gbɛ̃ↄn ↄ̀aasↄsↄo lɛɛ bla ń ↄ̀aa pla ń basↄoo (40.500).

¹⁹Yuda nɛ́ↄ Ɛɛ ń Onanio gàga yãa Kanaa bùsuuɛ.

²⁰Yuda buiↄn kɛ daɛdaɛ: Sela buiↄ, Pɛlɛzi buiↄ ń Zela buiↄ.

²¹Pɛlɛzi buiↄn Ɛzↄ̃nↄ buiↄ ń Amulu buiↄ ũ.

²²Yuda buiↄn we. An dasi gbɛ̃ↄn ↄ̀aasↄsↄo lɛɛ bàaↄ̃kwi ń sooloo ń ↄ̀aa pla ń basↄooɛ (76.500).

²³Isakaa buiↄn kɛ daɛdaɛ: Tola buiↄ ń Pua buiↄ

²⁴ń Yasubu buiↄ ń Simɛlↄni buiↄ.

²⁵Isakaa buiↄn we. An dasi gbɛ̃ↄn ↄ̀aasↄsↄo lɛɛ bàaↄ̃ ń síiↄ̃o ń ↄ̀aa do ń basↄoo (64.300).

²⁶Zabulↄni buiↄn kɛ daɛdaɛ: Sɛlɛdi buiↄn Eloni buiↄ ń Yalee buiↄ.

²⁷Zabulↄni buiↄn we. An dasi gbɛ̃ↄn ↄ̀aasↄsↄo lɛɛ bàaↄ̃ ń ↄ̀aa pla ń basↄoo (60.500).

²⁸Yosɛfu nɛ́ↄ Manase ń Ɛflaiũo buiↄn kɛ daɛdaɛ:

²⁹Manase nɛ́ Makii buiↄ ń Makii nɛ́ Galada buiↄ.

³⁰Galada buiↄn kɛ: Yɛzɛɛ buiↄ ń Elɛki buiↄ

³¹ń Asiɛli buiↄ ń Sikɛũ buiↄ

³²ń Semida buiↄ ń Efɛɛ buiↄ.

³³Efɛɛ nɛ́ Zelofada i nɛgↄ̃ɛ io, sema nɛnↄɛↄ. An tↄ́n kɛ: Mala, Nↄa, Ɔgɛla, Milika, Tiiza.

³⁴Manase buiↄn we. An dasi gbɛ̃ↄn ↄ̀aasↄsↄo lɛɛ blakwi ń plao ń ↄ̀aa àaↄ̃ ń basↄoo (52.700).

³⁵Ɛflaiũ buiↄn kɛ daɛdaɛ: Sutɛla buiↄ ń Bɛkɛɛ buiↄ ń Taani buiↄ

³⁶ń Sutɛla nɛ́ Elani buiↄ.

³⁷Ɛflaiũ buiↄn we. An dasi gbɛ̃ↄn ↄ̀aasↄsↄo lɛɛ baakwi ń plao ń ↄ̀aa pla ń basↄoo (32.500). Yosɛfu buiↄn we daɛdaɛ.

³⁸Bɛ̃yãmɛɛ buiↄn kɛ daɛdaɛ: Bɛla buiↄ ń Asebe buiↄ ń Ailaũ buiↄ

³⁹ń Sufaũ buiↄ ń Ufaũ buiↄ.

⁴⁰Bɛla buiↄn Aada buiↄ ń Naamani buiↄ ũ.

⁴¹Bɛ̃yãmɛɛ buiↄn we. An dasi gbɛ̃ↄn ↄ̀aasↄsↄo lɛɛ blasↄo ń ↄ̀aa àaↄ̃oɛ (45.600).

⁴²Dã buiↄn Suaũ buiↄ ũ. Dã buiↄ lɛ́n we.

⁴³Suaũ buiↄ dasi gbɛ̃ↄn ↄ̀aasↄsↄo lɛɛ bàaↄ̃ ń síiↄ̃o ń ↄ̀aa plaoɛ (64.400).

⁴⁴Asɛɛ buiↄn kɛ daɛdaɛ: Imɛna buiↄ ń Isevi buiↄ ń Bɛlia buiↄ.

⁴⁵Bɛlia buiↄn Ɛbɛɛ buiↄ ń Malakiɛ buiↄ ũ.

⁴⁶Asɛɛ nɛnↄɛ vĩ lↄ, aà tↄ́n Sela.

⁴⁷Asɛɛ buiↄn we. An dasi gbɛ̃ↄn ↄ̀aasↄsↄo lɛɛ blakwi ń àaↄ̃o ń ↄ̀aa plaoɛ (53.400).

⁴⁸Nɛfatali buiↄn kɛ daɛdaɛ: Yazee buiↄ ń Guni buiↄ

⁴⁹ń Yezɛɛ buiↄ ń Sileũ buiↄ.

⁵⁰Nɛfatali buiↄn we. An dasi gbɛ̃ↄn ↄ̀aasↄsↄo lɛɛ blasↄo ń ↄ̀aa plaoɛ (45.400).

⁵¹Isaili gↄ̃ɛ pↄ́ wà ń naoↄ píi gbɛ̃ↄn ↄ̀aasↄsↄo lɛɛ ↄ̀aa àaↄ̃ ń mɛ̀ndoo ń ↄ̀aa àaↄ̃ ń basoolokwio (601.730).

⁵²Dii yã'ò Mↄiziɛ à mɛ̀:

⁵³Wà bùsu kpaalɛ buipiↄnɛ ń pↄ́ ũ an dasilɛu.

⁵⁴Bui pↄ́ a gbɛ̃́ↄ dasi tↄↄlɛ mɛ́ aↄ zↄ̃ↄ, bui pↄ́ a gbɛ̃́ↄ bílao tↄↄlɛ aↄ bílao. Bui píi a tↄↄlɛ e lá wà ń nao lɛ́uɛ.

⁵⁵Sema wà bùsu kpaalɛnɛ́ ń gbɛlaao, an baade i kpaalɛsɛ a dezi bui tↄ́wa.

⁵⁶Ń gbɛlaao ↄ̃ wa bùsu kpaalɛnɛ́, aa dasi ge aa bílaon nò.

⁵⁷Levii pↄ́ wà ń nao daɛdaɛↄn kɛ: Geesↄ̃ buiↄ ń Kɛata buiↄ ń Mɛlali buiↄ.

⁵⁸Levii buiↄn kɛ lↄ: Libeni buiↄ ń Hɛblↄ̃ buiↄ ń Mali buiↄ ń Musi buiↄ ń Kole buiↄ. Kɛata mɛ́ Amlaũ ì.

⁵⁹Amlaũ na tↄ́n Yokɛbɛdɛ, Levii buiɛ. Egipi wà aà ìu. Yokɛbɛdɛ mɛ́ Aalona ń Mↄizio ì ń Amlaũo. An dãen Miliaũ ũ.

⁶⁰Aalona mɛ́ Nadabu ì ń Abiuo ń Ɛleazaao ń Itamaao.

⁶¹Nadabu ń Abiuo gàga gↄↄ pↄ́ aa mↄ̀ ń tɛ́ zĩ̀loo Dii aɛɛ.